Joxe Mari Goikoetxea - Nekazaria «Agroaldea erremedio bat da guretzat, baina Diputazioak konpromisoa bete behar du»

Joxe Mari Goikoetxeak 10.000 m2 lur dauzka Altzueta baserrian, inbernaderoetarako erabiltzen dituenak. Abiadura Haundiko Trenak erdiz erdi harrapatuko dizkio inbernadero horietako batzuk (argazkiko inbernaderoaren erdian dijoa AHTaren zutabe bat). Bertan produzitzen jarraitzeko asmoa du Goikoetxeak, baina beste erremedio bat ere bilatu behar izan du. Dipu­tazioak Arizmendin egingo duen Agroal­dean esplotazioa jarriko du Goikoetxeak. Goikoetxeak dio, aspalditik datorrela Agroaldearen kontua, eta badutela gogoa lehenbailehen bukatzeko. Dipu­ta­zioan Garraio Depar­ta­men­duak ahalmen haundia daukala dio «lobby moduko bat», eta horrek ekarri omen du Agroaldea Astigarragan egingo zela esan, eta azkenean kamioientzako aparkamentua egitea, edo Garraio Hiria.

«Beharrezko konpentsazioa»
Gipuzkoan lur mugimendu ikaragarriak izan dira azken urteetan, eta Donostialdea eta Buruntzaldean batez ere hiru azpiegitura publiko dira lur mugimendu haundienak eragin dituztenak: Abiadura Haun­­diko Trena, Donostiako bigarren saihesbidea, eta Uru­meako autobidea. Horrek ga­lera haundia ekarri du nekazal lur erabilgarrietan, eta konpentsazioren bat behar zuten nekazariek, Goikoetxeak dioenez. «Beharrezkoa zen kon­pen­­tsazio bat, eta hortik sortu zen Agroaldearen ideia; es­plo­ta­zioak zituzten ne­kazariei aukera bat ematea».

Hernanin 4-5 afektatu
Hernanin, lauzpabost esplotaziori eragingo die azpiegitua horiek, Altzuetaz gain.

Agroaldea, 3 hektarea nekazaritza intentsiborako
Agroaldean inbernaderoen­tzako lekua izango da. Azpie­gi­tu­ra jarri egingo zaie: ura, beroa, eta abar. Beroa, gero norberak ordaindu beharko du, baina hasierako inbertsiorik ez dute egin beharko. Gero ere, merkeagoa izatea espero dute, sistema berria jarriko dutelako, eta denen artean ordaindu beharko dutelako. Biomasa bidezko berogailua izango du Agroaldeak. Zortzi bat nekazarik jarriko dituzte bertan inbernaderoak; horietatik batzuk nekazari hasi-berriak. Besteak, Goikoe­txea bezala, azpiegiturekin afektatuak.

Labeleko tomatea, sistema hidroponikoan
Altzuetako inbernaderoak oraintxe daude landare-berriz beteak. Neguko deskantsualdia ez dute oso luzea egiten, eta oraintxe ekarri eta aldatzen ari dira landare berria. Ia dena tomatea dute; Jack bariedadekoa; Eusko Label kalitate ziurtagiria daukana. Uzta luzea lortzen dute Altzuetan. Orain, batean hasi dira landarea aldatzen, eta beranduxeago landatuko dute besteetan. Horrela, lehendabiziko uzta biltzen dutenean, bigarrena biltzeko moduan izango dute;  gero hirugarrena... Ia urte guz­tian izaten dute tomatea, eta inguruan saltzen dute gehiena: Hernani, Donostia, Gi­puz­koa. Sistema hidroponikoa era­biltzen dute. Landarea za­kutan sartzen da (ez lurrean), harri-txintxar edo perlita mo­duko batez betetako za­kuetan, eta hor emango zaizkio behar dituen ur, mineral eta abarrak

AGROALDEA

Astigarragan kamioi-parkina, Agroaldearen partez

Iskanbila sortu du Agroal­dea deitu dioten proiektuak. Agroal­dea hori Urnietan egingo dute azkenean; 3 hektarea izan­go ditu eta bertan esplotazioak jarri ahal izango dituzte, azpiegitura publikoak eraginda, eu­ren lurretan kalteak izan di­tuz­ten nekazariek. Hori da azken erabakia, baina iskanbila sortu duena izan da, hasieran beste leku batean zela egitekoa Agroal­dea hori; Astiga­rragan hain zuzen, eta denak onartua zi­rudienean, Dipu­ta­zioak ka­mioien­tzat apar­kaleku bat egiteko as­moa azaldu zuen lur horietan. Asti­ga­rragan egin behar zu­ten Agroaldea, Pe­ru­rena inguruan, bidez bi al­dee­tatik. 7 hek­tarea lur, Bu­­­­run­­tzaldean, obra publiko haun­diek eraginda kalteren bat izan zuten nekazarien­tzat. AHTa, Donos­tia­ko bi­ga­rren saihesbidea, Uru­meako bariantea... Obra haundi horiek, zu­ze­nean 20 esplotaziori eragingo die­te Bu­run­tzal­dean. Kal­tetuak gehiago dira; ne­ka­za­ritzatik bizi direnak 20 inguru. Hernanikoak 4-5 in­guru. Horie­ta­tik zortzik du­te as­moa Agroal­dean sartzeko. Hernaniko batek. Proiektua onartua zeukaten, bai Dipu­tazioak, eta bai ne­­ka­zariek. Ne­kaza­rien­tzat di­ru la­gun­tzak adjudikatuak zeuz­kan bai Dipu­ta­zioak eta bai Eusko Jaur­la­ri­tzak; guztira 822.000 euro di­ru-laguntzetan. 2009ko abenduan, Di­pu­ta­zioak jakinarazi zuen, Asti­ga­rra­gan ezetz, Urnietan egingo zela Agroaldea. 3 hektareakoa. 8 ne­kazarirentzako lurrik ez zen izango. Agindu zuten beste leku ba­tzuk bilatuko direla, denentzat.

Nekazariak haserre
Behemendi nekazari elkarteak salatu duenez, «nekazaritza eta in­gu­­rugiroa beti bigarren planoan geratzen dira, Dipu­ta­zioa­ren ba­rruan ere, departamendu ba­tek gehiago agintzen du besteak baino. Guk Agroal­dea berria onartzen dugu, baina ezin dira nekazariak horrela ibili».