ostiralean hasiko da Berria txapelketaren 7garren edizioa, eta atzo aurkeztu zuten prentsaurrean. Euskal Herriko pelota elkarteek jokatzen duten txapelketa garrantzitsuenetakoa da, eta aurtengo edizioan hogeita lau elkarte arituko dira lehian, horien artean Hernani. Txapelketa Berriak-ek antolatzen du, Aurrera Saiaz, Adiskide eta Hernani taldeekin batera. Txapelketako kanporaketa ugari Hernaniko pelotalekuan jokatuko dira, horien artean final haundia. Aurreneko partiduak ostiralean jokatuko dira eta finala martxoaren 27an izango da.
Euskal Herri osoko
28 elkarte lehian
Txapelketan parte hartzen duten pelota elkarteen kopurua geroz eta haundiagoa da. Aurtengoan 24 izango dira, tartean Gipuzkoako 8, Nafarroako 8, Bizkaiako 5, Arabako 2 eta Iparraldeko bat.
Hernani zerrendaburu
Txapelketako aurreneko fasean zortzi kanporaketa jokatuko dira, eta aurreneko partiduak ostiralean izango dira. Horietako bat, Oberena eta Añorgaren artekoa Hernanin jokatuko da.
Ondoren sartuko dira zerrendaburuak, tartean Hernani: eta lehenengo partidua otsailaren 19an jokatuko du.
Fase hau jokatuta, onenak final laurdenetara pasako dira, eta segidan finalerdiak jokatuko dira. Final Haundia berriz, martxoaren 27an jokatuko da, Hernanin.
Gipuzkoako 8:
Gazteleku (Andoain)
Añorga
Ilunpe (Azpeitia)
Oiarpe (Oiartzun)
Bergara
Hernani
Aurrera Saiaz (Bidegoian)
Zazpi Iturri (Amezketa)
Nafarroako 8:
Txaruta (Baztan)
Oberena (Iruñea)
Aurrera (Leitza)
Erreka (Doneztebe)
Aldabide (Arbizu)
Irurtzun
Zugarralde (Burlata)
Uharte
Bizkaiako 5:
Gure Kirola (Barakaldo)
Usansolo
Markina
Igorre
Adiskide (Galdakao)
Arabako 2:
Amurrio
Txukun Lakua (Gasteiz)
Iparraldea