Andre Kalea aukeratu du Tabakalerak, Komanditario berriak ekimenaren barruan, bertan artelan bat jartzeko. Helburua da, artearen bidez mugimendu sozialek egiten dituzten eskaera edo aldarrikapenei erantzutea. Horrela, Andre Kalearen proiektua izan da hautatua, Kalandria taldeak aurkeztua.
Dagoeneko aukeratu dituzte, Kalandriak eta Haizea Barcenilla arte bitartekariak elkarlanean, artelana egingo duten artistak: Alaitz Arenzana eta Maria Ibarretxe, Señora Polaroiskako kideak.
Kalearen iragana, oraina eta geroa lotzea da asmoa
Orain, artelana zehaztea falta da, eta horretarako, Andre Kalearekin lotura dutenen ekarpenak jaso nahi dituzte: anekdotak, pasarteak, oroitzapenak, bitxikeriak... Astelehenean egingo dute bilera, Biterin, arratsaldeko 19:00etan.
Andre Kalearen iragana, oraina eta geroa lotzea da asmoa, eta beraz, sexu, adin eta jatorri ezberdinetako pertsonen ekarpenak jaso nahi dituzte.