Pistako denboraldia atzean utzi, eta karreterakoari ekin diote dagoeneko txirrindulariek. Hernaniarrak ere bertan dabiltza, JOCC taldearen eskutik, besteak beste. Aurreko asteburuan jokatu zuten denboraldiko aurreneko lasterketa eta gaur, bigarrena izango da, Hernanin. Hain zuzen, Hernani Saria izango da jokoan, JOCCek antolatuta, arratsaldeko 16:00etatik aurrera. Alebin eta infantil mailako lasterketa izango da.
Gipuzkoako hainbat herritako txirrinda eskoletako txirrindulariek hartuko dute parte: Irun, Oarsoaldea, Donostia, Buruntzazpi, Zarautz, Zumaia, Hernani... Denera, 80 bat neska-mutilek parte hartzea espero da.
Urbieta kalean, irteera eta helmuga
Urbieta kaletik, Karrero taberna aurretik abiatuko dira txirrindulariak eta bertan bukatuko dute lasterketa. Urbieta kaletik, Latsunbe kalean zehar jarraituko dute Zinkoenearaino eta handik, Txirrita kalean barrena, berriz Urbietara bueltatuko dira. Alebinek hiru buelta egingo dituzte eta infantilek, zortzi.
Hernaniko 11 alebin eta 10 infantil, gaur
Gaurko lasterketan, Hernaniko 11 alebinek eta 10 infantilek hartuko dute parte. Hala ere, gehiago dira JOCC taldean izena eman dutenak aurten: 23 umek, hain zuzen. 12 dira alebinak: Irati Arteaga (Donostiako Amasorrain ikastola), Mikel Goikoetxea (Langile ikastola), Endika Iñigo (Langile), Danel Iriondo (Langile), Oihan Jorna (Langile), Xabier Leñena (Langile), Naia Mangas (Urumea), Ekain Mitxelena (Langile), Roberto Rodriguez (Inmakulada), Aitor Torres (Langile), Unax Urretabizkaia (Langile) eta Aner Zilbeti (Langile). Eta 11 infantilak: Maddi Arizmendi, Aimar Arteaga, Igor Iglesias, Beñat Iñigo, Iker Iraola, Iker Iriondo, Mikel Monge, Ibai Rodriguez, Laura Rosado, Daniel Salcines eta Hegoi Urretabizkaia.
Dena dela, Unax Urretabizkaiak eta Mikel Mongek atsedenaldia hartu beharko dute denboraldi baterako, biak min hartuta baitaude.
Zikloturista taldekoek denboraldiko hirugarren irteera egingo dute bihar, Alkizara. 09:00etan abiatuko dira Zinkoeneatik.
Irati Arteaga alebina irabazle, eta Hegoi Urretabizkaia infantila bigarren
Aurreko larunbatean jokatu zuten denboraldiko aurreneko lasterketa, Hondarribian. Eta JOCC taldeko txirrindulariek emaitza ederrak lortu zituzten. Besteak beste, alebinetan, Irati Arteaga lehenengo neska izan zen eta Naia Mangas hirugarren geratu zen. Mutiletan, Aitor Torres izan zen hernaniarren artean azkarrena. Orokorrean, 11garren geratu zen.
Infantiletan, berriz, Hegoi Urretabizkaia bigarren geratu zen sailkapen nagusian. Hernaniko neskarik azkarrena, Laura Rosado izan zen; orokorrean, laugarrena.
Bide mozketak
Lasterketa dela eta, 16:00-17:30 tarte horretan, bide mozketak izango dira tarteka kale hauetan, eta autobusak ere bere geltokiak lekuz aldatu beharrean izango dira.
Hiru kadete, Donosti Berrin
Kadete mailan, JOCCek ez du talderik eta Donosti Berri taldean dabiltza hiru gazte: Beñat Garmendia, Beñat Clemente eta Josu Herrero. Kadete mailako lasterketa bihar izango da. Zarautz Saria jokatuko dute (52km), goizeko 10:00etan hasita.
Bost txirrindulari, master mailan
JOCCek, master mailako taldea ere badauka, Bioracer enpresaren laguntzarekin. Zortzi txirrindulari dabiltza: Mikel Mujika (Elite-senior), Axier Otaño (Master 30), Ricardo Serrano (M30), Alexander Juanikorena (M30), Riki Buendia (M30), Iñigo Larrañaga (M50), Xabier Zilbeti (M50) eta Iñaki Juanikorena (M60).
Ostegunean, master mailako Zumarragako Hiria Sari Nagusia jokatuko da, Gipuzkoako Txapelketaren barruan.
Alkizara irteera bihar
Zikloturista taldekoak ere martxan dira eta bihar denboraldiko hirugarren irteera egingo dute. Alkizara (41 km) joango dira. 09:00etan jarri dute hitzordua, Zinkoenean.
LASTERKETEN EGUTEGIA
Alebin eta infantilak
Gaur: Hernani.
Martxoak 21: Donostia.
Martxoak 28: Zarautz.
Apirilak 18: Donostia.
Apirilak 25: Irun.
Maiatzak 2: Usurbil.
Maiatzak 9: Zarautz.
Maiatzak 17: Irun.
Maiatzak 23: Astigarraga.
Maiatzak 30: Lasarte-Oria.
Ekainak 6: Zarautz.
Ekainak 13: Lezo.
Ekainak 20: Zumaia.