Gabonetako oporrak hartu zituzten herriko txikienek joan den ostiralean. Opor bereziak izan ohi dira hauek, ospakizun egun asko baitaude tartean. Egun guztiak onak dira ordea, ondo pasatzeko, eta Hernaniko Udalak hori erraztu nahi die. Hala, umeentzako ludoteka antolatu dute hiru egunez: gaur, bihar eta ostiralean.
Kiroldegian, debalde
Ludoteka Kiroldegiko 1go pistan jarri dute, eta sarrera debalde da gerturatzen diren guztientzat. Bertan jarri dituzte ohe elastikoak, slackline, mahai jokoak, eskulanak, jolas kooperatiboak, eta askoz gehiago. Hiru egunetan, ordutegi bera izango du ludotekak: goizeko 10:00etatik eguerdiko 13:00etara.