Ikasturte berriarekin batera, bueltan da Hernaniko Xake Txapelketa. Zumitzan jokatuko da aurten ere, igandean hasita. Joko sistema suitzarra erabiliko da, eta guztira 7 jardunaldi izango dira jokoan: bihar, urriaren 19 eta 26an, eta azaroaren 2, 9, 16 eta 23an.
Arauak: jokalari bakoitzak ordutebete izango du jokatzeko. Bi jokalariak ados jarriz gero, partida astean zehar jokatzeko aukera izango dute, eta igandeko antolatzaileei emaitza jakinarazi. Bi atseden hartzeko aukera ere, izango dute; baldintza da, aurreko astean eskatzea; jokatze ez duenak puntu erdia jasoko du. Azken bi partiduetan ez da atsedena hartzeko aukerarik izango. Sariak egongo dira irabazlearentzat, herriko onenarentzat eta adinaren arabera, onenarentzat.