Berria Txapelketako hirugarren jardunaldia jokatuko da bihar, Kiroldegian, goizeko 11:00etan. Titin IIIa pelotariaren klubak eta Markinak neurtuko dituzte indarrak. Kadetetan, Marcos eta Ruiz errioxarrak dira faborito, Erkizia eta Gomezen kontra. Jubenil mailan, bizkaitarrak nagusitzea espero da, Arrizabalaga eta Urizarrek maila honetako bikote onentsuenetakoa osatzen baitute; aurrean, Mediabilla eta Altuzarra izango dituzte. Desenpatea seniorren partidua izatea espero da. Antzeko maila dute bi taldeek: Cigarroa eta Vital errioxarrak Espainiako finalerdiak jokatzeko puntu-puntuan izan dira; eta Zugadi eta Kastillo bizkaitarrak pelotari indartsuak dira.