Hernaniko Ezker Abertzaleak Iniziatiba Internazionalistarentzako botoa eskatu du

IGANDEAN, Europako Legebiltza­rrerako hauteskundeak izango dira eta Her­naniko Ezker Abertzaleak Ini­zia­tiba Internazionalistarentzako botoa eskatu du, idatzi baten bidez. Ezker Abertzaleak azaldu duenez, bere zerrenda propioarekin hau­tes­kun­deetan aurkeztea debekatu diote, «gure ahotsa ito nahian orain­go­an ere. Boto nuloa edo abs­tentziora jotzea beste aukerarik ez dute eman nahi izan. Horregatik, ilusio haundiz hartu dugu Iniziatiba Internazio­na­listak eskainitako a­u­ke­ra eta bihotz-bi­hotzez eskertu nahi diegu egin­dakoa». Hernaniko Ezker Abertzaleari eredugarria iruditu zaio Iniziatiba Internazionalistaren jarrera eta konpromisoa: «Euskal Herrian ez du inongo alderdik Ezker Abertzaleak hauteskundeetan parte hartu ahal izateko inolako pausorik eman eta demokrazia lezio ederra eman digu Iniziatiba Internazionalistak. Lezioa kanpotik etorri da, Espainiar Es­tatuko beste herri zapalduetatik». Ezker Abertzaleak adierazi du bat egiten duela Iniziatiba Inter­na­zionalistaren printzipio nagusiekin, «herrien autodeterminazio esku­bi­dea defendatzen dute, gatazka kon­pontzeko elkarrizketa aldarrikatzen dute, eta egungo Europako eredu kapitalistaren alternatiba baten beharra aldarrikatzen dute».