Josetxo Zapiain eta Juan Luis Sarasola bigarren RAC Navarra Rallyan

Rallyan 59 taldek hartu zuten parte, eta Josetxo Zapiainek eta Juan Luis Sarasolak euren Renault MaxiMegane-rekin korritu zuten. Karrera bigarren postuan bukatu zuten, aurrenekoarengandik 9,8 segundura. Irabaztear izan ziren arren, ordutegi proba batean arazoak izan zituzten, eta 20 segunduko penalizazioa jaso zuten. Proba Euskadiko eta Nafarroako Rally txapelketarako puntuagarria da.