Baserritar jantziak protagonista, Biterin

22garren edizioa du aurten­goa, astelehenetik martxan dena, Hernaniko Dantzari Fes­tak. Igandera bitarte ospatuko dute, San Joan Konpartsak antolatuta. Biterin izango da protagonista dantza, astean zehar; eta kalera zabalduko da festa, asteburuan.
Izan ere, astelehenetik dago ikusgai, Biteriko sukaldeko ge­lan, euskal jantzien era­kus­keta, Iraultza dantza taldeak antolatuta. Bihar arte egongo dira ikusgai bertan, 17:00etatik 20:00etara XIX eta XX men­de­etako baserritar jan­tziak. Era­kusketarekin, ezagutzera eman nahi dituzte, garai hartan era­biltzen zituzten jantziak, aste­gunetan eta jaiegunetan: «ez dute diseinu berririk sortu, jan­tzi zaharren beneta­ko­tasuna oinarritzat hartu du Iraul­tza taldeak; eta horre­ta­rako, azken urteotan ikerketa sutsu batean murgildu da, bertan ikusgai dagoenari ziur­ta­sun historiko bat eman ahal izateko», azaldu dute San Joan Konpartsa elkartetik.

Ramon Garciaren hitzaldia, gaur arratsaldean
Gai berarekin lotuta, hitzaldia eskainiko du gaur, arratsal­de­ko 19:00etan hasita Biterin, Ramon Garciak. Baserritarren janz­ke­rei buruz ariko da Gar­cia, Iraul­tza talde­ko kidea eta euskal jantzietan aditua.

Festa haundia, asteburuan
Baina asteburuan izango ditu zita nagusiak, Dantzari Festak. Larunbatean, haur eta gazteak izango dira protagonista, kale­e­tan barrena. Eta igandean, Euskal Herri osoko dantzariak etorriko dira Hernanira, txoko guztietara zabalduz dantzaren erritmo alaia.

XXII. DANTZARI FESTA

GAUR, osteguna
19:00, Ramon Garciaren hitzaldia, Biterin: Baserritarren janzkerak.

GAUR eta BIHAR
17:00-20:00, Euskal janzkien erakusketa, Biteriko sukaldeko gelan.

ETZI, larunbata
11:30, Ttarlaren dantzari txikienen irteera eta dantza emanaldia, erdiguneko kaleetan (euriarekin, Atsegindegin).
17:00, Dantzari txikien irteera eta dan­tza emanaldia, erdiguneko kaleetan (euriarekin, Atsegindegin).
19:00, Erromeria, Jeiki Hadi taldearekin, Plaza Berrin (euriarekin, Atsegindegin).

APIRILAK 9, igandea
10:45, Kalejira, Hernaniko kaleetan zehar; eta dantza ekitaldia, herriko auzo eta kaleetan zehar (euriarekin, Biteriko areto nagusian).
13:15, Dantza talde guztien eskutik: Agintari dantza, Agurra, Muxikoak, Fandango-Arin, eta Larrain dantza. Gudarien Plazan.
14:30, Bazkaria, dantzari eta soinujoleentzat, Atsegindegin.
Ondoren, Erromeria eta omenaldi bat.