Apirilarekin batera Hernanin ohitura bihurtu da Tilos 7 Pasa Pala Txapelketa hastea. Udaberriaren usainean eta eguzkiaren printzek eguna luzatzen dutenean jartzen da martxan txapelketa, eta aurten, datorren astelehenean, apirilaren 3an emango zaio hasiera. Astelehenetik ostegunera hiru partidu jokatuko dira egunero Tilosetan 18:30etatik aurrera. Apirila eta ekaina bitartean 100 partidu jokatuko dira.
Tilos 7 Pasa txapelketa hiru mailatan jokatzen da; bi gizonezkoetan eta bat emakumeetan. Aurten ere arrakasta haundia izango du lehiaketak, 60 bikotek (topea) eman baitute izena. Lehenengo mailan 18 bikote, 2. mailan 33 eta 9, nesketan.
Aurten ere, faboritoak, urterokoak; Ramos-Zubimendi hernaniarrak eta Del Horno-Unda bizkaitarrak lehen mailan. Ikusmira sortu da, pasa den urteko bigarren mailako txapeldunek (Loran-Loran) maila altuenean zer egingo duten ikusteko.
Bigarren mailan berriz hernaniarrak txapelaren bila aterako dira; Magi-Txema eta Mendizabal-Etxeberria beteranoak, Dani-Ekhi, Goia-Zurutuza edo Lizasoain-Otaegi gazteak borrokan ibiliko dira. Hala ere, sorpresaren bat egon daiteke.
Nesketan lehengo urteko txapeldunak, Alaitz-Idoia ama-alabak, izango dira denak irabazi nahian ibiliko den bikotea.
Antolakuntzatik eskerrak eman nahi dizkiete txapelketa babesten duten laguntzaileei: UTS, Ibai-Mendi, Ansareo Taldea Ingurumena, Joxe Mari Taberna, Zintzarri Taberna eta Kitto Taberna.
Asteleheneko partiduak
Txapelketa Larretxea-Garmendia bikoteak Arregi-Urangaren aurka jokatuko duenarekin hasiko da. Ondoren Barrutia-Pavon/Lujanbio-Cisnerosen arteko partidua izango da eta eguna amaituko dute Pérez de Arenaza-Jon Iruretagoienak/Iurramendi-Iurramendiren kontra.