Hilabetero bezala, ekintza ugari antolatu dituzte abenduan ere, Gazte Txokoan (Aristizabal 5, behea). Gainera, urteko sasoi honetan ohikoa den bezala, Gabonek hartuko dute protagonismoa. Hori horrela, gaur eta bihar Gabonetako eskulanak egingo dituzte. Ostiralean, berriz, Play Stationean ibiliko dira eta larunbatean, Gazte Txokoko pareta txuriz pintatuko dute.
Santo Tomas, ginkana...
Santo Tomas Eguna abenduaren 21ean izango da eta urtero bezala, festa ederra antolatuko dute Gazte Txokoan. Txistorrarik ez da faltako!
Horrez gain, beste bi ekintza potolo ere izango dira abenduko azken astean: ginkana, Hernanin zehar, eta Tras festa, Traspakarren. Bi ekintza horiek Kale Hezitzaileekin batera antolatu dituzte.
Gazte Txokoa sare sozialetan ere badago: Facebook, Tuenti (Hernaniko Gaztetxokoa), Twitter (@hgaztetxokoa) eta bloga.
EGITARAUA
Abenduak 4, 5: Gabonetako eskulanak.
Abenduak 6: Play Station.
Abenduak 7: Pareta margotu.
Abenduak 8: Itxita!
Abenduak 10: Wii.
Abenduak 11: Harremonak.
Abenduak 12: Kandela tailerra.
Abenduak 13: Ping-pon Txapelketa.
Abenduak 14: Kirol ekintzak.
Abenduak 15: Pultsera tailerrak.
Abenduak 17: Play Station.
Abenduak 18, 19: Gabonetako dekorazioa.
Abenduak 20: Topagunea.
Abenduak 21: Santo Tomas.
Abenduak 22: Futbolin Txapelketa.
Abenduak 26: Ginkana.
Abenduak 27: Tras festa.
Abenduak 28: Karaokea!
Abenduak 24, 25, 29, 31: Itxita!