Pakito Lujanbio eta Inma Noble, aske

Pakito Lujanbio eta Inma Noble hernaniarrak atzo gaueko 22:00ak inguruan geratu zi­ren aske. Auzi­te­gi Nazio­nalak aurreratu egin zuen ostiraleko Plenoa eta atzo erabaki zuen Parot Dok­trina aplikatutako 13 euskal preso aske uztea, horien artean, bi hernaniarrak. Se­nide eta lagunak zain zituztela atera ziren espetxetik.
Lujanbio Herrera de la Manchako espetxetik atera zen, 29 urte espetxean egin ondoren. 1984an espetxeratu zuten, 2008an zen aske gera­tzekoa, eta 2014ra arte luzatu zioten zigorra, doktrina aplikatuta.
Noble, berriz, Algeci­rasetik atera zen, 26 urteren ostean. 1987an sartu zuten espetxean, 2008an zuen ateratzeko data, eta 2017ra arte luzatu zioten espetxealdia.
Kronikako erredakzioa ixterakoan (23:00etan), Her­na­nira bidean ziren biak.  

Kontzentrazioa gaur, Zinkoeneatik.
Preso eta iheslarien senideek deituta, kontzentrazioa izango da gaur 20:00etan, Zin­koenean. Gaixo larriak eta kondena betea duten presoak etxeratzeko eskatuko dute.

Sevillarako, idatziak eta autobusa
Sevillako presoak gose greban daude euren oinarrizko es­kubideak aldarrikatzeko. Hori horrela, egoera salatuz, ida­tziak bidaltzeko mahaia jarriko dute bihar Kixkaleko izkinan, 12:00etatik 14:00eta­ra. Anima­tzeko dei egin du­te.
Bestetik, Euskal Herriko herri desberdinetatik autobusa antolatu da Sevillako espetxean dauden presoei babesa emateko eta zerrenda Garin tabernan dago. Izen-abizenak eta telefonoa jarri behar di­ra.