Hiru punturen diferentzia dute bi taldeek, eta bihar irabazten duenak aurrea hartuko dio besteari. Hernani eta Atletico de Madrid ariko dira Landaren, arratsaldeko 16:00etatik aurrera. Hernani bosgarren dago, 18 puntu eta sekulako konfiantzarekin. Atleticok hiru puntu gutxiago ditu, 9garren postuan, eta iaz play offa jokatu zuen taldearen itxurarik ez du eman.
Etxean hirutik hiru
Bajak izango dituzte bi taldeek, eta hernaniarrenak aipatzeko, Jon Insausti eta Igor Genua, selekzioarekin jokatzen ari baitira. Funtsezko bi jokalari falta arren, Hernanik aurre egingo dio Madrileko talde haundiari. Etxean partidurik galdu gabe daude hernaniarrak, eta orain arte denentzat sorpresa izan dena, gaur errealitate dela erakutsi nahiko dute. Atleticok talde indartsua du aurrean, eta oso azkarra atzean. Hernanik jokoa du arma, baloia mugitu eta aurkariak dantza araztea. Beti bezala, zaleen indarrak asko lagunduko die hernaniarrei, etxeko laugarren garaipena lortzen.