Etxerat: «Haserre gaude, oso haserre»

Etxerat elkarteak gogor sa­la­tu zuen atzo Herriraren kontrako polizia operazioa, eta be­raien haserrea adierazi zuten. «Hona ekarri gaituen gertaera bereziki larria da. «Jada gogorrak diren espe­txeetako bizi baldintzak go­go­rragotzen ari dira. Eta guz­ti honen aurrean euskal preso eta iheslari politikoen eskubideak defendatzen ari diren pertsonak atxilotu di­tuzte. Publikoki lanean ari direnak, eta herritarron ba­be­sa du­te­nak atxilotu dituzte». Horren aurrean zenbait alderdik azaldu duen jarrera salatu zuten. «Haserre gau­de, oso haserre. Nola ez gara egongo, Eusko Jaurlaritzatik eta Nafa­rroako Gobernutik era­so hau justifikatzen saiatu direnen jarrera lotsagarria ikusita?».
Etxeratek babesa azaldu zien atxilotu guztiei, eta azaldu zuen, bake prozesuan au­rrera ja­rrai­­tzeko konpromiso osoa duela. Atzean presoen senide eta lagunak zituztela, dei egin zieten herritar guztiei, bihar 17:30etan Bilbon egingo den manifestaziora joateko (autobuserako txartelak Garinen daude).

14 atxilotu aske
Atzo pasa ziren 18 atxilotuak juezaren aurrean, eta horietatik 14 aske utzi zituen (tartean Amaia Esnal Ereñotzuko bizilaguna), eta 4ri fiantza ezarri zien. Karguak mantendu egin zizkien atxilotu guztiei. Horrez gain, Herrirako egoitzak bi urterako ixtea erabaki zuen epaileak.

Mobilizazioak gaur eta bihar: langile eta ikasleek gaur
Polizia operazioaren kontra hainbat mobilizazio izango dira gaur eta bihar.
Denok gara Herrira lemapean kontzentrazioa deitu dute sindikatuek, 12:00etatik 12:30etara, Gudarien plazan. Hara joan ezin diren langileek lantoki aurrean egingo dute kontzentrazioa (deitzaileak: Ela, Lab, Esk, Stee-Eilas, Enhe, Hiru, Cnt eta Cgt.
Hernani BHIko ikasleek ere kontzentrazioak egingo dituzte ordu berean, Agustin Iturriagan eta EPOn.

Pleno berezia Udaletxean, puntu bakarrarekin
Hernaniko Udaletxean Pleno berezia egingo dute, puntu bakarrarekin: Herriraren kontrako operazioaren kontrako mozioa. Arratsaldeko 19:00etan, Pleno Aretoan.

Senideek deituta, 3 zutabez osatutako enkartelada
Hernaniko preso eta iheslarien senideek hiru zutabeko enkartelada deitu dute gaur, 20:00etan abiatuta. Hiru puntutatik abiatuko dira, Plaza Berrira: 
1) Etxeberriko bolatokitik hasita, Florida kalea, Gartzia Goldaraz, Agustin­darren pla­za, Kale Nagusia, Balantxa, Kale Nagusia.
2) Zi­kuñagatik hasita, Ka­rabel, Balantxa, Kale Nagusia.
3) Portutik hasita, Oindi kalea, Larramendi, Elkano, Ka­le Nagusia.

24 orduz Plaza Berrin
Horrez gain, gaur 12:30etatik aurrera, 24 orduko Irekialdia egingo dute Plaza Be­rrin. Oraindik zehazteko dau­de ekitaldi batzuk, eta gehiago proposatzeko ere dei egin dute eta baita atxikimendua ematera gerturatzeko ere. Ziurrak direnak, honakoak: 
Gaur:
12:00 Kontzentrazioa udaletxe parean.
12:30 Plazako kontzentrazioa Plaza Berrira.
14:30 EPO-Institutua, bi zutabe, Plaza Berrira.
Arratsaldean, ume jolasak Plaza Berrin.
19:00 Pleno berezia.
20:00 Enkartelada hiru zu­tabetan.
21:00 Akanpada gunea prestatu.
22:00 Afari herrikoia (norberak berea eraman behar du).
23:00 Kontzertua+mikro irekia.
00:00 ‘Tximeletak’ dokumentala.
Bihar:
08:00 Kazerolada.
12:00 Argazki masiboa.
Ondoren, Kalez kale kantari.

Xabier Solano, iluntzean
Xa­bier Solano musikari ereño­tzuarrak atxikimendua eman dio ekimenari eta parte hartzekoa da,  DJ Zigorrekin. Ordua ez dute zehaztu, baina ziurrenik iluntzean izango da.

Bilbora joateko, txartelak
Bihar Bilboko manifestaziora joateko txartelak Garinen daude salgai, 12 euroan.