Ikusmin haundia sortu zuten segalariek

«Aurtengo jaia benetan oso giro ederrean joan da, jendea ibili da eta dena oso ondo atera da», azaldu diote Kroni­kari pozik, Santiomendiko Amabirjin jaietako antolatzaileek. Batez ere, jendetza bildu zen segalariak ikusteko. Eta lehia parekatua eta polita izan zen. Azke­nean, 20 segundoko aldearekin Mikel Garaialde eta Mikel Zumeta nagusitu ziren. Hori arratsaldean izan zen, baina egun osoko festarekin gozatu zuten Santiomendiko auzotarrek. Goizean baserriz baserri ibili ziren oilasko bil­tzaileak eta 10 oilasko bildu zituzten, besteak beste. Eguerdi partean, Sagardo Txapelketara ere jende ugari gerturatu zen. Aurten, Elione baserrikoa izan da irabazlea. Eta patata tortila lehiaketan berriz, Begoña Olaetxeak irabazi zuen tortila goxoenaren saria eta Plazetxekoak presentazio onenarena. Zaldi deman, berriz, Ze­rainek 68 plaza egin zituen, Garaialdek baino 2 gehiago. Eta halaxe, giro ederrean joandako eguna, giro ederrean bukatu zuten, afaltzeko elkartu eta txiste kontalariarekin barre eginez.