Ojuelentzat txapela eta pelotari onenaren saria, Errenterian

txapel berria du Paul Ojuel pelotari hernaniarrak astelehenetik. Errenteriako Txapelketa irabazi zuen Irusta bizkaitarrekin batera; 22-18. Aurrean Dorronsoro eta Arratibel izan zituzten.

Galtzen, partidu erdira arte
Ez zuten duten maila ematerik izan, hasieratik. Irustak ez zuen atzeko koadroetan asmatzen eta Ojuelek ezin jokoan sartu; 6-13 eta 9-16 galtzen hasi ziren. Bigarren zatian ordea, buelta eman zuen partiduak. Irusta lasaitu eta pixkana hasi zen duen joko bikaina erakusten; eta Ojuelek ez zuen hutsik egin aurreko koadroetan. Parti­dua gogortuz joan zen, eta azkenean, Ojuel eta Irus­ta­rentzat izan zen garaipena.
Ojuelek partidu ederra jokatu zuen, batez ere, bigarren zatian, eta txapelaz gain, beste sari bat ere jaso zuen: jolari onenaren saria.

Bi finalerdi, Kiroldegian
Buruntzaldea Torneoa az­ken txapan da eta gaur, infantil mailako bi finalerdi jokatuko dira Kiroldegian, 18:00etan hasita: Ander Lazkanok, Ioritz Berasar­teren kontra jokatuko du, eta Alain Agirrek Jokin Elizalderen aurka.