‘Francoren bilobari gutuna’, hasteko

Antzerki zikloa gaur hasiko da Biteri kultur etxean. Hiru antzezlan eskai­ni­ko dituzte, gaur, bihar eta etzi, kritika eta umorea uztartuz: Francoren bilobari gu­tuna, Idiot Txou eta Los perros antzezlanekin. Eus­keraz izango dira aurre­neko biak, eta gaztelaniaz hi­ru­garrena; guztiak, iluntzeko 20:00etan hasita.
Biterin sarreren erdia goizean jarriko dute salgai, 09:00etatik 13:00etara bitarte; eta beste erdia arratsaldean, 16:00etatik 20:00etara bitarte. Saio bakoi­tzeko prezioa, 7 eurokoa izan­go da; baina egongo da aukera orandik, baita ere, hiru saioetarako bonoa erosteko, 16,5 euroan.
Hiru saioetan aurrenekoa, Francoren bilobari gutuna izango da, gaur. Ospitale batean kokatuko da, leuzemia daukan haur bat, eta obus baten arras­toak jotako gizon heldu bat el­kartuta. Bizi­raupenaren gai­tzak jotako komunitate baten hezu­rren eta gezurren erra­dio­gra­fia traumatologikoa egingo du.
Idiot Txou emango dute bihar, irratiko saio baten aza­le­an. Audientzia arazoak tar­te­ko, eskuetatik joango zaiz­kien edukiak lantzen hasiko dira. Bizi dugun aktuali­tatearen kri­tika umoretsua da saioa. 
Azkenik, etzi, Los perros eskainiko dute, etsipena har­tu­tako 3 gaixoren azalean, haien familiek abandonatuta.