AStelehenean, Ama-birjin eguna da eta hainbat herri eta txokotan festarako eguna den bezala, Astigarragako Santiomendi auzoan ere, festa antolatu dute urteroko moduan. Egun osoan zehar izango dira ekintzak eta egun pasa ederra egiteko aukera paregabea izango da.
Goizeko 09:00etan dianak esnatuko ditu Santiomendiko auzotarrak eta oilasko biltzaileak baserriz-baserri kalejiran ibiltzeko prestatuko dira.
Sagardo probaketa eta zaldi dema
Ohi bezala, eguneko ekintzarik garrantzitsuenetakoak eta jende gehientsuena bilduko dutenak, eguerdiko 12:00etan izango dira: sagardo probaketa, zaldi dema eta patata tortila lehiaketa. Sagardo probaketan, Santiomendiko baserrietako sagardoa probatzeko aukera izango da txorixo pintxoez lagunduta.
Ondoren, auzo bazkaria antolatu dute, eta arratsalderako, herri kirolak eta Kabilako trontzalariak. 18:00etan hasiko dira herri kirolak, eta bukatzean, umeentzako jolas ezberdinak izango dira, toka barne.
Afaldu nahi duenak, ez du aukera faltarik izango. Eta horrez gain, egun osoan zehar, Xapre eta Furrielaren trikiti eta panderoa entzun ahal izango dira. Bestalde, jakinarazi dute, komisioa ez dela bertan gerta daitezkeen istripuen kargu egingo.
EGITARAUA:
09:00etan, diana
09:00etan, baserriz-baserri
oilasko biltzaileen kalejira.
10:30etan, toka.
12:00etan, Santiomendiko
baserrien arteko sagardo dastaketa txorixo pintxoez lagunduta eta patata tortila lehiaketa.
12:00etan, zaldi dema.
14:00etan, auzo bazkaria.
18:00etan, herri kirolak eta Kabilako trontzalariak.
Ondoren, umeentzako jolas ezberdinak, toka barne, eta afaltzeko aukera.
Egun osoan zehar Xapre eta Furrielaren trikiti eta panderoa entzuteko aukera.