Urtero lez, Umore Ona elkarteak antolatu du Goizuetan erroldatutako jubilatuen eguna, hilaren 18an (igandea) izanen dena. Egun osoko egitarau entretenigarria prestatu dute. Hasteko, meza nagusia izanen da, 11:00etan hasita. Ondoren, pelota partiduen txanda izanen da, eta horiek amaitzean bazkaria eginen dute Umore Ona elkartean, 14:00ak aldera. Baina ez da hor bukatuko ospakizun eguna; izan ere, bazkalostean Truk eta Mus Txapelketak jokatuko dira; hori bai, txapelketak aurrera ateratzeko, gutxienez lau bikotek eman beharko dute izena. Eta horrekin bai amaituko dutela eguna, jubilatu goizuetarrek.
Bazkarian edota txapelketan apuntatzeko, igandera arte
Umore Ona elkartetik adierazi dutenez, bazkarira joan nahi duenak edota txapelketetan parte hartu nahi duenak, Amaia Kafetegian edo Umore Ona elkartean bertan izena eman behar du, igandea (urriak 11) baino lehen. 12 euro ordaindu beharko dira bazkarirako.
JUBILATUEN EGUNA 2026
GOIZUETAN
URRIAK 18, igandea
11:00, Meza Nagusia.
Ondoren, Pelota partiduak.
14:00, Bazkaria, Umore Ona elkartean. Tiketak eskuragarri 12 euroan urriaren 11ra arte, Amaianen edo Umore Onan.
Ondoren, Truk/Mus Txapelketa, izenematea Amaianen edo Umore Onan, hilaren 11ra arte.