Asteazken iluntzean elkartu ziren goizuetarrak herriko plazan, hutsik egin gabe, Karmen bezpera ospatzeko. Arrakastatsua izan da aurtengoa, 150 lagun bildu baitira herri afariaren eta suaren bueltan, Umore Ona elkarteak antolatutako zitan, Goizuetako Udalaren eta Ikastola Batzordearen laguntzaz.
2011n hasi zuten ospakizuna, uztailaren 15eko ohitura zaharra berreskuratuz. Duela 50 bat urtera arte, arbiaren zuztarrak erretzen zituzten Goizuetako etxe eta baserri gehienen atarietan, ereiteko haziak kendu ondoren.
14garrena izan da aurtengoa, pandemiak bi urtez eten baitzuen festa. Eta bistan da osasuntsu dagoela, adin guztietako herritarrek bete baitzuten plaza.