Urtero bezala, kontzertu ibiltaria eskainiko dute Umore Ona abesbatzak eta herriko gaztetxoek elkarrekin, ikasturtea bukatzeko. Bihar eguerdian izanen da, eta herriko makina bat txokotan ariko dira kantuan.
Goizeko 11:00etan elkartuko dira udaletxeko arkupeetan, hamaiketakoa egiteko: salda eta txistorra. Eguerdiko 12:00etan, berriz, kontzertua eskainiko dute gaztetxoek herriko plazan.
Eta segidan abiatuko dira kontzertu ibiltariarekin, kalez kale. Zubiondon eginen dute aurreneko geldialdia 12:35etan, eta beste bost aurreikusi dituzte, honako tokietan: Goizargin (13:00), Barrenetxen (13:35), Amaia kafetegian (13:35), Mutun (14:00) eta Oxeguardan (14:25).
Elkarrekin bazkalduta borobilduko dute saioa, denboraldia hasi berri duen Ixkibi kanpinean, 15:00etan hasita.