Pixkanaka eta ixilean ari da egosten egurra, ikatza lortu arte, Goizuetan maiatzaren 1ean piztu zuten txondorraren barruan. Eta hori aprobetxatuz, bisita gidatua antolatu dute bihar arratsalderako, txondorraren nondik norakoak ezagutu nahi dituzten guztientzat, gazte zein heldu.
Arratsaldeko 18:00etan jarri dute elkartzeko hitzordua udaletxeko ganbaran, eta Goizuetako txondorgileak arduratuko dira bisita gidatzeaz. Animatu eta bertaratzeko gonbitea luzatu diete interesa duten guztiei.