Maiatzaren hasieran izanen dira Txino auzoko jaiak, eta hasi dira giroa pizten dagoeneko. Emanaldia eskainiko du Umore Ona dantza taldeak festetan, eta herritar guztiei luzatu diete gonbitea, haiekin batera jauziak dantzatu ditzaten.
Horretarako, hiru entsaio ireki antolatu dituzte, datozen hiru asteazkenetan. Gaur bertan izanen da aurrenekoa, arratsaldeko 17:30etan Dantzatako lokalean; eta apirilaren 22an eta 29an beste biak, ordu eta toki berean.
«18 urte baino gehiago badituzu eta euskal dantzak gustuko badituzu, animatu Txino Jaietako emanaldian jauziak dantzatzera! Eta zalantza izanda ere, inguratu zaitez entsaioetara!», adierazi dute Umore Ona dantza taldetik.