Saio berezia izanen da igande honetan, Goizuetako udaletxeko ganbaran: 'Bularretik ehundutako aitortzak' dokumentala jarriko dute, arratsaldeko 17:30etan, Goizuetako Kultur Taldeak antolatuta. Amaia Iparragirre leitzarrak sortutako dokumentala da, eta bost emakume dira protagonista: barrua irekita, bularreko minbiziari buruz hizketan.
Igandeko saioan, dokumentala bera ikusgai izanen da aurrena, eta protagonistekin solasaldia eginen dute ondoren.