Goizutarrek adierazi dute, GoizuKAR zerbitzua mantentzeko boluntarioak behar dituztela.
Zehaztu dutenez, goizeko txandan dago behar haundiena, eta horregatik, herritarrak zerbitzu honetan borondatezko laguntza ematera dei egin dituzte.
Izena emateko azken eguna urriaren 27, astelehena, izango da, eta 948 514 006 telefono zenbakira deitu beharko du apuntatu nahi duenak.
Urtarrilaren 2an jarri zuten martxan goizuetarrek garraio zerbitzu berria. Baserrian bizi diren herritarren bizi baldintzak hobetzeko asmoz sortu zuten GoizuKAR. Finean, herritar boluntario talde bat da, batez ere, baserritik herrira joan-etorriak egiteko laguntzeko. Doako zerbitzua da eta oinarrizko beharrak asetzea da asmoa: osasun etxera joan, erosketak egin, bankuko edo gizarte zerbitzuetako tramiteak egin, autobus geltokira eraman...