Amaitu dira, beste urte batez, Goizuetako Fiestak. Atzo blusa berdea soinean zutela agurtu zituzten jaiak goizuetarrek, Peñaren Egun haundian. Askorako eman dute aurtengo Amabirjin Fiestek, beroarekin hasi eta bustita amaitu dituzte, eta irudi eta momentu ezin hobeak utzi dituzte. Indarrak errekuperatu eta normaltasunera bueltatzea tokatuko zaie orain. Hala ere, pozik eta harro daude goizuetarrak, festak lasai eta giro alaiean igaro dituztelako. Sentsazio politekin agurtu zituzten atzo, eguna ezin hobeto borobiltzea lortu baitzuten peñek, elkarri heldu eta blai eginda, urtero bezala.
Goizuetako Fiestetan bizitakoak gogora ekarri nahi dituenak, ikusgai dauzka egunez eguneko argazki albumak, kronika.eus webgunean.
