Umeen eguna ospatuko dute gaur, eta horrenbestez, Goizuetar txikiak izanen dira gaur nagusi herrian. Goizeko 11:00etan hasiko dira Umore Ona Pilota Eskolako haurren partiduak, eta amaitu ostean, buruhaundiek eta erraldoiek hartuko dute lekukoa, trikitilariekin batera. Gaur, igandez, Igandea txarangak jarraituko du giroa alaitzen kaleak musikaz betetzen, eta 14:00etan emango zaio hasiera umeen bazkariari. Arratsaldean XX. Mus Txapelketa jokatuko dute eta, horrez gain, arratsaldean hiru orduz, etxeko txikiak zilipurdika ibiltzeko parada izanen dute, puzgarrietan eta ur txirristan. Arratsaldeko 20:00etan hasiko da Goittikiren bingoa, eta 20:30etarako, berriz, txiki festa show dantzaldia antolatu dute. Suzko zezenak emango dio gaurko egunari amaiera, gaueko 22:30etan.
Bihar amaituko dira Goizuetako Amabirjin jaiak Peñaren egunarekin, eta festei amaiera borobila emateko, egitarau fiña prestatu dute.
|
GOIZUETAKO FIESTAK UMEEN EGUNA GAUR 11:00 Pilota partiduak. Umore Ona Pilota Eskolako haurrak. 12:30 Buruhaundi eta erraldoiak trikitilariekin. 13:30 Igandea txaranga. 14:00 Umeen bazkaria. 17:00 XX. Mus Txapelketa Iskibi kanpinean. 16:30 Umeentzako puzgarriak eta ur txirrista. 19:30 Igandea txaranga. 20:00 Gottikiren bingoa. 20:30 Dantzaldia: Txiki festa show. 22:30 Suzko zezena. |