Urumea bailara osoan entzun zen atzo Goizuetako txupina! Eguerdiko 12:00etan lehertu ziren festak, eta sekulako ongi etorria egin zieten Amabirjin jaiei, festa giroan. Gazte Eguna ospatu zuten atzo, eta gaur, berriz, Amabirjin eguna izanen da protagonista.
Goizean goizetik dianak esnatuko dute herria dultzaineroekin, eta segidan, oraindik etxera joan ez direnek, argazkia aterako dute 07:50etan, txosnan. Zezenak aterako dira 08:00etan eta 10:30etan, meza nagusia ospatuko dute, eta prozesiorik ez da faltako. Umeentzako ekintza mordoa ere izanen dira goizean; hala nola, toka txapelketa, goxoki banaketa, buruahaundi eta erraldoiak...
Eguerdiko 12:00etan hasiko dira pilota partiduak; nesketan, Sagarduik eta Legarretak jokatuko dute Galardi eta Sotilen aurka; eta mutilen lehen mailako afizionatuetan, berriz, Igoa eta Sotil, Mataren eta Landaren aurka ariko dira. Herri kirolak arratsaldeko 18:30etan hasiko dira, eta bertsolariek hartuko dute lekukoa 19:30etan. Kantuan ariko dira Maialen Lujanbio hernaniarrak, Aner Peritz eta Sustrai Colina. Gauean festak jarraipena izango du DJ Mikeltxirekin, besteak beste.
|
GOIZUETAKO FIESTAK AMABIRJIN EGUNA 07:00 Diana dultzaineroekin. 07:50 Gaupaseroen argazkia Txoznan. 08:00 Entzierroa Lasturko zezenekin. 10:30 Meza nagusia eta prozesioa. 11:00 Umeentzat toka txapelketa. 12:00 Goxoki banaketa plazan. 12:00 Pelota partiduak: Neskak Lehen mailako afizionatuak 12:30 Buruhaundi eta erraldoiak dultzaineroekin. 13:30 Igandea txaranga. 18:30 Herri kirolak plazan. Proba mixtoa: aizkora, trontza, txingak, laisterka Harri altxatzaileak: Udane Ostolaza eta Lierni Osa. 19:30 Bertsolariak. Maialen Lujanbio, Aner Peritz eta Sustrai Colina. Gai paratzailea: Aritz Zerain. 21:30 DJ Mikeltxi. 23:00 Txoznan bingo musikatua. Ondoren, Igandea txaranga. |
