Goizuetako kaleak kantuz alaituko dituzte gaur Umore Ona abesbatzak eta herriko gaztetxoek

Kronika - Erredakzioa 2025ko eka. 15a, 00:00
Deskargatu Info Ahotsak :

Euritsua izan zuten iazko kontzertu ibiltaria ere. Argazkia: Felix Loiarte

Kontzertu ibiltaria emanen dute eguerdiko 12:00etatik aurrera, eta sei tokitan eskainiko dituzte kantu saioak. Ondoren, Umore Ona elkartean eginen dute bazkaria, eta arratsaldean ere izanen da sorpresarik plazan.

Urteroko ohiturari eutsiz, kontzertu ibiltaria eskainiko dute gaur eguerdian Umore Ona abesbatzak eta herriko gaztetxoek, Goizuetako kaleetan zehar.

Plazan hamaiketako eginez hasiko dute eguna, eta 12:00etan ekinen diote kantuari. Aurrena, gaztetxoek eskainiko dute emanaldia plazan bertan; eta ondoren, kaleetan barrena abiatuko dira, beste bost tokitan geldialdiak eginez, kantatzeko: Zu­bi­ondon, Idoietan, Amaia kafetegian, Mutun eta Oxeguardan. Bazkariarekin borobilduko dute saioa, Umore Ona elkartean, baina ez daukate festa bertan amaitzeko asmorik: «Arratsaldean plazan, auskalo zer!».

KONTZERTU IBILTARIA

11:15, Salda eta txistorra, plazan.

12:00, Herriko gaztetxoen emanaldia, plazan.

12:35etatik aurrera, kanturako geldialdiak herrian zehar:

12:35, Zubiondon

13:00, Idoietan

13:30, Amaia kafetegian

14:00, Mutun

14:30, Oxeguardan

15:00, Bazkaria, Umore Ona elkartean.

Kultura Goizueta
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!