Goizuetan azaroa hilabete garrantzitsua izaten da ekitaldien aldetik, eta aurten ere horrela izanen da. Datozen hiru asteak ekitaldiz josita datoz. Hasteko Katarrapikak lehiaketa izanen da datorren larunbatean eguerdian ganbaran, baina batez ere Etorkinen Egunarekin lotuko da azaroaren 16a. Hurrengo egunean Go!azen telesailaren estreinaldia 17:30etan hasiko da, hau ere ganbaran.
Azaroko laugarren asteburua Umore Onako atalen egunarekin dator. Azaroaren 23an, larunbatean, antzerkia izanen da arratsaldean eta aurretik ohiko egitaraua prestatu du Umore Onak. Gainera, igandean, mendi irteera antolatu du Arainburu Umore Ona mendi taldeak.
Astean zehar, azaroaren 26an, asteartean Porrotx pailazoaren emanaldiak umeak alaituko ditu, 17:00etan, ganbaran.
Azkenik, hilabetea, azienda, artisau eta nekazari feriak itxiko du, azaroaren 30ean.
EGITARAUA
GOIZUETA
AZAROAK 16, LARUNBATA
12:00 Katarrapikaka lehiaketa udaletxeko ganbaran. Sarrera 3 euro.
Etorkinen Eguna. Bazkaria Oxeguardan eta ondoren poteoa.
AZAROAK 17, IGANDEA
17:30 Go!azen telesailaren estreinaldia udaletxeko ganbaran.
AZAROAK 23, LARUNBATA
Umore Onako Atalen Eguna.
10:00 Pilota partidak.
11:30 Frontoitik bertatik, abesbatza eta dantzariak herriko kaleak alaituz.
13:00 Luntxa Umore Onako atalentzat Elkartean (beheko azokan)
18:30 Niretzat ez dago kutxarik antzerkia udaletxeko ganbaran. 14 urtetik gorakoentzat.
AZAROAK 24, IGANDEA
08:00 Mendi irteera. Goizueta-Enekologorri-Lizaotza-Tobeneko borda-Nekuko hariztia-Artzan-Goizueta.
AZAROAK 26, ASTEARTEA
17:00 Porrotx pailazoaren emanaldia udaletxeko ganbaran.
AZAROAK 30, LARUNBATA
Goizuetako XX. Azienda, artisau eta nekazari feria.
10:00 Feriaren hasiera.
11:00 Sega zorrozketa, pikaketa.
12:00 Giza proba: Herritarrak Paollaren zaldiaren aurka.
Goizean zehar, herriko talogileak, betizu errea pintxotan, trikitilariak...
14:30 Herri bazkaria: Bertako babarrunak, betizu gisadoa eta postrea.
18:30 Dizkobolo elektrotxaranga.
21:30 Kontzertua: Soka.