GoizuKar zerbitzua martxan jartzeko pausoak ematen hasi dira Goizuetan, eta datozen asteetan baserriz baserri joateko asmoa dute zerbitzuaren berri emateko. Herriko adinekoei baserritik herrira joan-etorriak egiteko garraio zerbitzua eskaintzea da helburua. Gidariak lortzeko, boluntario zerrenda bat osatu dute dagoeneko. Zerrenda irekita dago, eta nahi duenak oraindik badu izena emateko aukera, udaletxean edo 65+ taldeko kideei jakinarazita.