Goizueta 65+ taldeak egindako lehendabiziko proposamenetako bat da Ibilaldi Osasuntsuak ekimena. Horren bidetik, bihar izanen dute aurreneko Ibilaldi Osasuntsua, Josune Eizmendi monitoreak gidatuta. Jubilatuen etxean, 10:00etan izanen dute hitzordua, eta handik batera edo bestera eginen dute, eguraldiaren arabera. Pare bat orduko ibilaldia izanen da, 12:00etan bukatuz. Hamabostean behin elkartzea da asmoa.