Igande eguerdian jokatu zituzten Gasteizko Ogeta pelotalekuan Hiru Hiriburuak txapelketako final haundiak. Frontoia goraino bete zen, eta ikusgarria izan zen pelotazaleek jokalariei egindako harrera.
Maila askotako partiduak jokatu zituzten bertan, horien artean Gazteen mailako finala. Bertan aritu zen Umore Ona taldeko Alize Sagardui goizuetarra, eta Uxue Gomez pelotariarekin batera, finala irabaztea lortu zuen. 18-16 irabazi zuten Naia Uriarteren eta Eider Perezen aurka.