Munduko Txapelketaren semifinala gaur, Beñat Apezetxeak

Bikain hasi du bere ibilbidea Beñat Apezetxea goizuetarrak, 22 urtez azpikoen Munduko Euskal Pilota Txapelketan. Ligaxkako aurreneko partidua jokatu zuen berak, Unax Apeztegiarekin batera; eta oso erraz gainditu zuten Kuba, bi jokotan: 10-0 eta 10-1. Ligaxkako beste partidua, berriz, Unai Amiano eta Carmelo Loza taldekideek jokatu zuten, eta bi jokotan irabazi zuten haiek ere, Boliviaren kontra: 10-0 eta 10-2. Hori horrela, A multzoko aurreneko postuan sailkatu dira semifinaletara, eta Frantziako selekzioa izango dute aurrez aurre, B multzoko bigarrena. Gaur arratsaldeko 16:00etan izango da hori, Iruñeko Labrit frontoian.