Ikusi duzue dagoeneko Goizuetako Fiestetako egitaraua? Jarduera ugari prestatu dituzte abuztuaren 14tik 18ra, baina ez da hori programak duen berezitasun bakarra.
Aurtengoan herriko gaztetxoek egindako marrazkiekin edertu dute egitaraua, bakoitzaren sormena eta festen ikuspuntua islatuta. Sei marrazki jarri dituzte jarduerekin batera, egileen izen-abizenak zehaztuta, eta jasotako marrazki guztiekin erakusketa bat prestatu dute Goizuetako Labaderoan.
Marrazkiak abuztuaren 12ra arte egongo dira bertan ikusgai, eta Goizuetako Udaletik gaztetxoen lanak ikustera joateko gonbidapena egin diete herritar guztiei.