Joan den abenduan argitaratu zuten 'Ignazio Bergara goizuetarraren gutunak' liburua, Patxi Salaberri Zaratiegik, Juan Jose Zubiri Luxanbiok eta Iker Salaberri Izkok, Euskaltzaindiaren eskutik. Eta aurreko igandean aurkeztu zuten Goizuetan bertan, udaletxeko ganbaran, hiru egileetan aurreneko biak bertan zirela. Jakinmina piztu zuten olagizon goizuetarrak Arranbiden eta Artikutzako Elaman idatzitako gutunek, 1787 eta 1811 urteen artean; eta adi-adi entzun zituzten bertaratuek, izkribuen inguruko azalpenak.