Zabalik dago epea, Goizuetako Udalean, ardi eta behi edo txekorren dirulaguntza kanpainarako beharrezkoak diren PACeko (Nekazal Politika Amankomuna) ziurtagiriak eskuratzeko. Martxoaren 15era arte eskatu daitezke, udaletxean. Eskaera egiterakoan, honakoak aurkeztu beharko dira: errolda agiria, hiru urteko antzinatasunarekin; herrian gutxienez 9 hilabetez bizi denaren zinpeko aitorpena; Udalarekin zorrik ez izatearen ziurtagiria; norberak jabetzan edo alokairuan dauzkan lurren zinpeko aitorpena; azienda kopuruaren ziurtagiria eta txosten sanitarioa; eta nagusiki abeltzaintzan edo nekazaritzan aritzearen ziurtagiria.