Inauteriak amaitu badira ere Kontuen Egunarekin emanen diote amaiera hilabeteari, goizuetarrek. Eguerdiko 12:30etan Igandea txarangak lagunduta poteo girotua eginen dute, eta eguerdiko 14:30ak aldera, mozorroen bazkari eder baten bueltan bilduko dira.
Arratsaldean, berriro ere Igandea txarangak hartuko du testigua, eta herrian zehar dantzan ibiliko dira goizuetarrak. Kontuen Egunari amaiera emateko, gauean, Tokan 2 la polla taldearen kontzertua izango da Gaztetxean. Igandean iritsiko da atsedena goizuetarrentzat.