San Anton eguneko ospakizuna egin zuten asteazkenean Goizuetan. Herritar ugari elkartu ziren goizean zehar antolatutako jardueretara, eta giro ederra sortu zen bertan.
Azienden bedeinkazioarekin hasi zuten ospakizun eguna, eta meza kantatuarekin eman zioten jarraipena. Ondoren, Goizuetako San Anton Ermitan aritu ziren kantuan bertaratutako guztiak, eta hamaiketako eder baten bueltan amaitu zuten goiza; salda eta txistorra janez.