Umore Ona abesbatzak eta herriko gaztetxoek gabonetako kontzertua eskaini zuten Goizuetako elizan astelehenean. Helduek bederatzi kantu abestu zituzten Eneko Amundarainen zuzendaritzapean, eta jarraian, gaztetxoei pasa zieten lekukoa. Horiek lau abesti eskaini zituzten eta Ainara Narbarte izan zuten zuzendari lanetan. Saioa borobiltzeko batera abestu zuten.