Joan den larunbatean ospatu zuten Goizuetan etorkinen eguna, eta nola gainera. Leitzatik etorritako Terexa Zabala omendu zuten, Mariak eta Iratik eskainitako agurrarekin eta Josu Garmendiak, beste etorkinekin batera eskainitako bertsoekin. Eta opari gehiago ere jaso zituen Zabalak; izan ere, lore sorta eta plaka eskaini zioten goizuetarrek. Ondoren, herrian zehar bueltatxo bat emanda, Izkina ostatuan bapo bazkaldu eta herriko kaleetan jarraitu zuten, festa giroan.
Azpiko argazki bilduman dauzkazue Felix Loiartek larunbatean ateratako argazki eder batzuk.
