Joan den asteburuan egin zituzten txondorraren prestaketa lanak, eta dagoeneko prest dago txodorra, etziko pixtuerarako. Egun osorako egitaraua prestatu dute, goizetik hasita. 10:30etan, Mendialdeko azoka ibiltariarekin hasiko dute eguna goizuetarrek bertako eta zonaldeko produktuak erosteko paradarekin. Azoka guztira 26 postuk osatuko dute, elikagai postuak eta artisautzarenak.
Eguerdiko 12:15etan hasiko dira Goizuetako txundargileak, txondorra pizten, eta horrekin batera, ekitaldi berezi bat eginen dute. Eguerdiko 14:30etan, bazkari baten bueltan bilduko dira denak, eta bazkari ederraz gozatzeko tartea izango dute, ondorengo menuarekin: aurrena, patatak errioxar erara; jarraian, basatxerria burruntzin errea; postrerako Mousse, eta bazkaria amaitzeko, kafea eta kopa. Guzti honek, 20 euroko prezioa du bazkariak. Tiketak eskuragai daude, Amaia Kafetegian edo ondorengo telefonora deituta: 650 011 843.