Haurren sexualitateari buruzko saioa antolatu dute gaurko, Goizuetako Hitzaldi Zikloaren barruan. Udaletxeko ganbaran izanen da, arratsaldeko 17:30etan hasita; eta Ageda Blasco Egiak eskainiko du: Haurrekin sexualitatearen gaia abordatzen; koordenadak eta ibilbidea.
LAGA Gizarte Zerbitzuen Mankomunitateak eta Izan Bhutan proiektuak antolatu dute hitzaldia, eta haur eta nerabeen gurasoei zuzenduta dago. Parte hartzeko, aldez aurretik eman behar zen izena, eta igandea zen horretarako azkeneko eguna. Zaintza zerbitzua ere izanen da, hala eskatu dutenentzat.
Hezitzailea, ikerlaria, ekintzailea eta artista da Ageda Blasco. Genero ikasketen ikerlaria da, heziketa inklusiboan eta pedagogia eraldatzaileetan aritu da, eta Gestalt modeloko terapeuta ere bada.