Dagoeneko eskatu ditzakete ziurtagiriak, abeltzain goizuetarrek, ardi, behi edo txekorren dirulaguntza kanpainarako beharko dituztenak. Hala jakinarazi du Goizuetako Udalak, bando baten bitartez. Udaletxean bertan eskuratu daitezke ziurtagiriak, otsailaren 23ra arte.
Eskaera egiterakoan, hainbat dokumentu aurkeztu beharko dituzte abeltzainek. Batetik, errolda agiria, gutxienez 3 urteko antzinatasunarekin; eta herrian gutxienez duela 9 urtetik bizi dela dioen zinpeko aitorpena. Bestetik, Goizuetako Udalarekin zorrik ez izatearen ziurtagiria aurkeztu beharko da. Bakoitzak dauzkan lurren zinpeko aitorpena ere aurkeztu beharko da, jabetzan edo alokairuan izan. Azienda kopuruaren ziurtagiria eta txosten sanitarioa ere eskatuko dute. Eta azkenik, aurkeztu beharko da nagusiki abeltzaintzan edo nekazaritzan aritzen denaren ziurtagiria.