Festa giroan ospatu zuten, pasa den larunbatean, Goizuetako XVIII. azienda, artisau eta nekazal feria eguna. Jende ugari bertaratu zen eskolako frontoira eta herriko kaleetan jarritako postuetara, joaldunek eta trikitilariek ingurua alaitzen zuten bitartean. Guztira 70 bat postuk osatu zuten feria, haien artean 20 goizuetarrak.
Postuez gain, Goizuetako Eskolan jokatu zen toka txapelketa, eta, ondoren, bazkariak borobildu zuen egun osoko egitaraua.
Felix Loiartek izoztu zituen eguneko une ederrenak.
