Azaroaren 19rako eta 20rako, Goizuetan erroldatutako jubilatuen eguna antolatu du Umore Ona elkarteak. Azaroaren 19an, Truk eta Mus txapelketak jokatuko dira, arratsaldeko 16:00etan hasita, Umore Ona Elkartean. Eta azaroak 20an, Goizuetan erroldatutako jubilatuen egunak jarraituko du. Goizeko 11:00etan, meza nagusia egingo da, eta jarraian, pilota partiduek hartuko dute lekukoa. Eguerdiko 14:00etarako, bazkaria antolatu dute, Umore Ona elkartean. Bazkarira bertaratzeko, aldez aurretik izena eman behar da, Elenaren Estankoan edo Amaia Kafetegian. Horretarako azken eguna azaroaren 16a izango da eta bazkarirako 10 euro ordaindu beharko dira.
Amaitzeko, honako oharra helarazi dute antolatzaileek: «aurtengoan ez da paperezko eskutitzik bidaliko, beraz, mesedez zabaldu mezu hau inguruko jendearen eta jubilatuen artean».