Azken urteetako ohiturari jarraiki, Etorkinen Egunaren laugarren topaketa izanen da azaroaren 19an, Goizuetan. 2018an ospatu zuten egitasmoa lehenengoz, eta arrakasta izan du urtero-urtero.
Horri helduta, aurtengorako hitzordua zehaztu dute dagoeneko. Aipatu moduan, datorren hilabetean izanen da topaketa. Oxeguardan bazkalduko dute guztiek elkarrekin, etorkinek zein goizuetarrek. «Neska, mutil, gazte, zahar... Goizuetako etorkinak jatorrak eta bikainak», aipatu dute antolatzaileek.
Urteroko leloari heldu diote deialdian: «Etorkinak ttirriki-ttarraka, biño ez banaka». Bertaratzeko, izena eman behar da Amaia kafetegian edo estankoan, eta azaroaren 13a da azkeneko eguna. «Animatu zaitezke, ederki pasako-degu eta!».