Ekitaldi berezia izanen da igande honetan, Goizuetaren eta Leitzaren artean dagoen Iberoko dorrean. Leitzako Jeiki abesbatzak eta Leitzako Udalak antolatuta, Iberoko historia ezagutzeko bisita gidatua eginen dute, eta kontzertua emanen du abesbatzak berak, Iberon bertan. Eguerdiko 12:00etan hasiko da ekitaldia.
Leitzatik joan-etorria egiteko autobusa jarri dute, eta bidaia, bisita eta kontzertua 10 euro dira. Parte hartzeko, aurrez eman behar da izena, Leitzako Maimur eta Astiz liburudendetan.