Bihar amaituko dira Amabirjin fiestak, eta, aurtengo jaiak agurtu aurretik, egiteko ugari izanen dira datozen orduetan. Gaur, goizetik hasita arratsaldera arte izanen dira ekintzak herritar guztientzat. Gaurko egunerako hitzartu dituzte erraldoiak eta buruhandiak, pilota partiduak, txaranga, XVII. Mus Txapelketa, Umore-Ona dantza taldearen ikuskizuna eta Hip-Hop gaua.
Bihar, Umore Ona Peñaren eguna ospatuko da herrian. Egun potoloa izaten da, eta prestatu duten guztiarekin, ezin hobe itxiko dituzte Amabirjin fiestak. Umore Ona Peñaren irteera izanen da eguneko lehenengo egitekoa, pilota partiduekin batera, 12:00etan.
AMABIRJIN FESTAK
GAUR
11:00 Erraldoiak eta buruhandiak trikitilariekin herrian barrena.
12:00 Pilota partiduak. Neskak: Sagardui-Madariaga/Legarreta-Martinez. Lehendabiziko mailako afizionatuak: Txoperena-Urrozola/Astiz-Odriozola.
13:30 Igandea txaranga kaleetan barrena.
17:00 XVII. Mus Txapelketa Ixkibi kanpinean.
18:00 Umore-Ona dantza taldekoen ikuskizuna plazan.
Ondoren, Igandea txaranga kaleetan barrena.
23:00 'Hip-hop' gaua plazan: Uzi Cuzy, MxK3r, Frank, Juncho eta Rig3l.